Campás

Ergue, meu neniño,

ergue, lacazán.

que as campás xa tocan

con ledo din – dan.

_¡Ledas campaíñas,

xa tocando están

que chegou a ialba

chamando á mañán!

_Tocan as campás

e andan a falar

cousas moi fermosas

por todo o lugar.

_¡Falan as campás

con voz de metal:

o seu canto voa

dende o monte ao val!

_Érguete, meu neno,

porque o campaneiro

deixa de tocar

se eres preguiceiro!

_As ledas campás

xa non tocarán

¡se eres preguiceiro,

se eres nugallán!

Manuel María: Os soños na gaiola,1990.

Ilustracións de Xaquín Marín.

Recitan o poema Ana C. e Andrea G. de 1º ESO C. Moi ben as dúas!

Flor ao amencer